जाड_पोह्यांचा_तळलेला_कोल्हापुरी_चिवडा

#kolhapuri_chivada #कोल्हापुरी_चिवडा 

#जाड_पोह्यांचा_चिवडा_दिवाळी_फराळ

♥️🌟💥🌿🌾✨ #फराळ_प्रकार

संध्याकाळी चहानंतर किंवा चहासोबत हलकेफुलके काहीतरी खायला म्हणून आईने पातळ पोह्यांचा चिवडा आत्तापर्यंत ब-याचदा केला. मस्त लागतो चवीला आणि छोट्या-छोट्या भुकेला अगदी योग्य! ❤️😍 पण जाड पोह्यांचा चिवडा आमच्याकडे दिवाळीच्या दरम्यान बनतो. आमच्याकडे त्याला कोल्हापुरी चिवडा म्हणून संबोधतात. खमंग, लज्जतदार आणि कुरकुरीत असा जाड पोह्यांचा चिवड्याचा चहासोबत नक्कीच आस्वाद घेऊ शकता.

पातळ पोह्यांच्या चिवड्याप्रमाणेच, बहुदा अगदी घराघरात सगळ्यांनाच येतो हा बनवता... म्हणून हा चिवडा देखील आज सहजच प्रमाणाविना लिहीतेय...अगदी अंदाजे... कारण आहेच पाककृती अगदी साधी...अंदाजाने कुणीही अगदी Perfect बनवू शकेल अशी... 🙂 लिहीतेय म्हणजे कोणालातरी ही पोस्ट बघून चिवडा करायचे आठवेल आणि पोटभरीचा अजून एक झटपट होणारा पदार्थ झाल्याने थोड्या काळासाठी का होईना घरातल्यांच्या 'काहीतरी आहे का खायला?!' ला वाटी भरून चमचमीत उत्तर द्यायला मिळेल. 😛

आई रश्मी इंदूलकर च्या पध्द्तीने बनवलेला चिवडा! ❤️

तर चिवडा बनवण्यासाठी, जाड पोहे घ्या. सर्व नीट निवडून आणि चाळून घ्या. आणि गरम करत ठेवलेल्या मोठ्या कढईत तेल घालून गरम तेलात अगदी कुरकुरीत होईपर्यंत तळून काढा! एका जाळीदार भांड्याला मोठ्या भांड्यावर मांडून मग जाळीत हे तळलेले पोहे काढा. म्हणजे तेल निथळले जाईल.

त्याच कढईत तेल घालून त्यात  भरपुर कढीपत्ता, सुक्या खोब-याचे तुकडे, शेंगदाणे, डाळे, हिरव्या मिरच्या आणि काळ्या मनूका, एकामागून एक न करपवता खरपुस तळून घ्या. काजू असतील तर ते पण तळून घ्या.

तळून निथळत ठेवलेले पोहे, कढीपत्ता, सुक्या खोब-याचे तुकडे, शेंगदाणे, डाळे, हिरव्या मिरच्या, काजू आणि काळ्या मनूका सर्व एकत्र करा.

राई, जीरे, तीळ, हिंग पावडर यांची गरम तेलाची फोडणी करा.

त्यात हळद पावडर, मिरची पावडर, जीरा पावडर, धणा पावडर, मीठ आणि साखर टाकून परता. आवडत असल्यास थोडासा लिंबाचा रस ओता. आणि मिक्स करून ठेवलेल्या जिन्नसावर फोडणी ओता. आणि वरखाली करत सर्व पोह्यांना इतर जिन्नस व्यवस्थित लागेल असे हलक्या हाताने मिसळून घ्या.

आणि तुमचा जाड पोह्यांचा हलकाफुलका पण चविष्ट कोल्हापुरी चिवडा तय्यार! 😍

पावसात मस्त‌ मसाला चहासोबत आस्वाद घ्या!

- Food Memories Marinated with Love ♥️🌿🙏 by, स्नेहा चौधरी- इंदूलकर

अशाच वेगवेगळ्या पदार्थांच्या पाककृती आणि निरनिराळ्या मसाल्यांच्या माहितीसाठी खालील लिंकला 'Like' करा.

https://www.facebook.com/themasalabazaarstore/

आणि आमच्या Official Website ला नक्की भेट द्या.

www.themasalabazaar.com

#चिवडा #jhatpat_recipes #chivada #फराळ #दिवाळी #faral #pohe_chivada #food #marathi_food