गोड_शंकरपाळे_दिवाळी_फराळ

 #गोड_शंकरपाळे_दिवाळी_फराळ

♥️🌟💥🌿🌾✨ #फराळ_प्रकार

आज पाहूया गोड शंकरपाळे! 

शंकरपाळे दोन तीन प्रकारचे असतात. गोड, खारे आणि वेगवेगळ्या फ्लेवर्सचे...  दोन्ही प्रकार करायला सोपे आणि चवीला झक्कास. गरमागरम चहामधे बुडवूनही छानच लागतात. :) वर्षभर कधीही करून खाता येतात.

गोड शंकरपाळी साठी साहित्य:

१. १ ते सव्वा वाटी मैदा

२. तूप: एक वाटी (आम्ही गोवर्धन किंवा चितळेंचे तूप वापरतो.)

३. पिठीसाखर: १ वाटी

४. दुध एक वाटी

५. तळण्यासाठी तूप

१. एक वाटी तूप दुधात मिसळून, त्यात पिठीसाखर घालून विरघळून घ्या. थोडेसे कोमटसर करा. मग त्यात व्यवस्थित भागेल असा एक ते सव्वा वाटी मैदा घालून पीठ अगदी व्यवस्थित मिसळून आणि मळून घ्या. 

२. पीठ तीस-चाळीस मिनिटे उमलू द्या.

३. कढईत तूप गरम करत ठेवा.

४. मळलेल्या पीठाचा मोठा गोळा घेऊन तो पोलपाटावर जाडसर गोल लाटा. 

५. चिरणे घेऊन त्याने उभे आडवे लहान काप करा आणि ते चौकोनी काप सोडवून, कढईतील तूपात मध्यम आचेवर तळून घ्या.

झाले गोड शंकरपाळे तयार!!! ♥️🌿

#शंकरपाळे #shankarpale #faral #diwali #maharashtrian

- Food Memories Marinated with Love ♥️🌿🙏 by, स्नेहा चौधरी- इंदूलकर