मेथी- सुके बोंबील- बटाटा सुकी भाजी
जाड बुडाच्या भांड्यात, तेल तापवून त्यात दोन मिरच्या उभ्या चिरून, १०-१३ लसूण पाकळ्या बारीक चिरलेल्या, दोन बारीक चिरलेले कांदे अगदी चांगले परतून घ्या.
लक्ष्मी मसाले चा डंकावर बनवलेला स्पेशल वाडवळी मसाला एक चमचा आणि मीठ घालून परता. मधला काटा काढून, बारीक कापलेले सुके बोंबील आणि सालासकट बारीक कापलेला बटाटा टाकून परतून घ्या. हाताने थोड्याशा पाण्याचा हबका मारा आणि झाकण ठेवून दणदणीत वाफ काढा.
मेथी निवडून मग चांगली धुवून निथळून, बारीक चिरून घ्या. ती भाजीत घालून मिक्स करून परता. झाकण न ठेवता पंधरा- वीस मिनिटे चांगले शिजू द्या. बटाटे शिजले का पहा. शेवटी लिंबू रस पिळून कोथिंबीर भुरभुरवा. चविष्ट भाजी तयार. भाकरीसोबत छान लागते.
पातीचा कांदा देखील बारीक कापून टाकता येतो. त्याने देखील खुप चांगली चव येते.
No comments:
Post a Comment