झटपट होणारे पापलेटचे कालवण: 🐟🐠

झटपट होणारे पापलेटचे कालवण: 🐟🐠

(चिंच वापरून)

ताजे पापलेट नीट साफ करून घ्या.‌ पावसाळ्यात आत्ता सध्या ताजे पापलेट मिळणे थोडे कठीण असते. पापलेट चे तुकडे करून घ्या. स्वच्छ धुवून पाणी निथळवा. मीठ व आलेलसूण पेस्ट लावून ठेवा.  

एका भांड्यात तेल मध्यम गरम करा. त्यात आले लसूण पेस्ट टाकून व्यवस्थित परता. एक दोन मिरच्यांना उभी चिर पाडून घ्या. ह्या मिरच्या आणि कढीपत्ता देखील घाला.

मग थोडीशी सेलम हळद, मीठ आणि वाडवळी घरगुती मसाला किंवा तो नसेल तर रोजचा मसाला आणि मध्यम तिखट मिरची पावडर, थोडी धणा पावडर घालून नीट परता. सुके खोबरे जरासे भाजून घ्या अणि थंड झाल्यावर मिक्सरमधून बारीक वाटून घ्यावे. हे वाटण टाकून चांगले परतले कि मग पुन्हा माशांचे साफ केलेले तुकडे घालून अलगद परतायचे. 

चिंचेच्या कोळाचे पाणी आणि थोडे साधे गरम पाणी घालून चांगली उकळी काढायची. उकळी येऊन शिजू द्या. मासे नाजूक असतात त्यामुळे ते तुटणार नाहीत किंवा जास्त शिजणार नाहीत ह्याची काळजी घ्या. ह्यात मला टाॅमेटोच्या उभ्या फोडी घालून एक उकळी घेऊन केलेले कालवणही खुप आवडते.

आवडत असल्यास चिरलेली कोथींबीर घालावी. मस्त झक्कास आंबट-तिखट कालवण तयार! हातपोळ्याची भाकरी, चपाती किंवा भाताबरोबर सर्व्ह करा. भारीच लागते. 😋

- Food Memories Marinated with Love ♥️🌿🙏 by, स्नेहा चौधरी- इंदूलकर

अशाच वेगवेगळ्या पदार्थांच्या पाककृती आणि निरनिराळ्या मसाल्यांच्या माहितीसाठी खालील लिंकला 'Like' करा.

https://www.facebook.com/themasalabazaarstore/

आणि आमच्या Official Website ला नक्की भेट द्या.

www.themasalabazaar.com

#पापलेट #कालवण #pomphret #fish #seafood #curry #rassa