Thursday, August 5, 2021

चंपारण लसुणी हंडी चिकन


लाॅडाऊनच्या सुरवातीला कधीतरी Facebook‌ वर येणारे Foodbloggers चे व्हिडिओ पाहताना अभीला चंपारण लसुणी हंडी चिकन ची एकदम गावरान रेसिपी पहायला मिळाली. बिहार येथील लोकप्रिय अशी डीश आहे ही. Abhiee is a decent cook! जे पण बनवतो ते हौसेने... त्याला साध्या सोप्या पाककृती आणि पदार्थ आवडतात आणि बनवतानाही तो अगदी मोजके बनवतो म्हणजे 'पुरून उरेल' नाही पण 'वाढून संपेल' असे. मग चंपारण चिकन साठीची up to date साहित्य यादी त्याने काढली, मी ह्यावेळी सहाय्यक च्या भुमिकेत होती. काळ्या रंगाची उभट सुगड आणि एक पसरट विटकरी लंगडी आईने सकाळीच चकचकीत धुवून ठेवली. सरसों का तेल घरी आणून ठेवले गेले. गावठी अख्खे लसूण देखील होतेच. ते नंतर वापरले. खडा मसाला घेऊन, परतून, पावडर करून वापरला. ती खासियत आहे ह्याची..


ह्या पाककृती पध्द्तीमधे चिकनला 'दम' देऊन शिजवतात. दम दिल्यामुळे मसाल्यात परतलेले चिकन, मातीच्या भांड्यात अजूनच चविष्ट लागते. अख्खे लसूणाचे कांदे देखील टाकतात. उकडलेला‌ किंवा शिजलेला मसालेदार लसूण खुप जबरदस्त लागतो. हा पदार्थ चपातीसोबत अधिक चांगला लागतो पण आम्ही त्यादिवशी ब्रेडबरोबर आस्वाद घेतला.


सरसों म्हणजेच राईचे तेल लंगडीमधे गरम करून पाणी टाकून फाडले अभीने अगदी काळजीपूर्वक अर्थातच... आणि तेव्हा कुठे तो तेलाचा उग्र वास गेला आणि जीवात जीव आला. या चिकनची पाककृती युट्युबवर अगदी विस्तारित स्वरूपात मिळेल. आखाडीला जमल्यास वेगळे म्हणून नक्की करून पहा. गावठी चिकन आणि चुलीचा वापर करता आला तर चवीमधे अजूनच अव्वल होईल. हंडीला लावलेले पीठ काढले की विशिष्ट दरवळ जिव्हेला आव्हान देतो. एकंदरीत मंद आचेवर शिजलेले हे मसालेदार चंपारण चिकन हांडी खुप चविष्ट लागते. नक्की बनवा. 

.

.

‌.

.

.

.

#चंपारण_चिकनहांडी #हंडीचिकन #बिहार #champaran_chicken_handi #handi_chicken #laxmimasale #themasalabazaar














Thursday, October 3, 2019

Papad & Fryam

      Papad & Fryam Variety

At Laxmi Masale, Edwan and The Masala Bazaar, Virar we do keep variety of homemade and branded papads and Fryams. We also catered to bulk orders.

Variety of Papads and Fryams:
1.       Udid Kalemire Papad
2.       Tandul (Rice) Papad
3.       Nachani Papad
4.       Tandul (Rice) Kurdai
5.       Gahu (Wheat) Kurdai
6.       Fenya
7.       Batata (Potato) Wafers
8.       Poha Mirgund
9.       Poha Papad
10.   Sabudana Papad
11.   Fryam
12.   Roasted Shevaiya
13.   Raw Shevaiya
14.   Kolhapur Special Rawa-Maida Shevaiya
15.   Dahyatalya Mirachya
16.   Sandagi Mirachya
17.   Sandage
18.   Nachani Salai
19.   Chikvadya



You can message us on 9890043675 to know more about any product available at the store and order various products with home delivery option. 

To know how to use various instant gravies and premixes, kindly visit our Facebook page:
https://www.facebook.com/themasalabazaarstore/

#themasalabazaar #laxmimasaleedwan #saheliutpadaneedwan



Garam Masala/ गरम_मसाला

#Garam_masala #गरम_मसाला
#लक्ष्मीमसालेचास्पेशलगरममसाला

भारतीय मसाले हे त्यांच्या वैविधपुर्ण अनेक घटक, विशिष्ट चव, उग्र वास, आरोग्यदायी उपयोग आणि आकर्षक आकार व रंग ह्यासाठी जगप्रसिद्ध आहेत. ह्या बहुतांशी सर्वच खास भारतीय अथवा एशियन मसाल्यांच्या मिश्रणाने तयार होणारा Multipurpose all in one Brownish गरम मसाला म्हणजे आपणा भारतीयांच्या नेहमीच्या जेवणामधे हमखास लागणारा महत्त्वाचा घटक!
एडवणला आमच्या लक्ष्मी मसाले स्टोअरमधे दरवर्षी जानेवारी ते जून हा वर्षभराचे मसाले बनवणारे आणि भरणारे अशा ग्राहकांचा सिझन असतो. आमल्याकडे सर्व प्रकारचे दर्जेदार अख्खे मसाले, सहा प्रकारच्या मिरच्या, तयार पावडरी, चविष्ट घरगुती मसाले, चिंच, कोकम, निरनिराळी लोणची, अनेक प्रकारचे पापड व पीठे कमी किंमतीत मिळतात. त्यामुळे वर्षानुवर्षेपासून पंचक्रोशीतील ग्राहकांबरोबरच विरार, मुंबई, ठाणे, डहाणू अशा अनेक ठिकाणांवरून हौशी ग्राहक, सुगरण महिला आवर्जून अख्ख्या व तयार मसाल्यांसाठी उन्हा-तान्हाची व गर्दीची तमा न बाळगता हजेरी लावतात. खुप आवडीने वर्षभराचे सामान गाड्यांमधे घे-घे करतात.

जेव्हा ह्या महिला मसाले घ्यायला येतात तेव्हा 25 वाणे मसाल्यांच्या सामानाची नावे व प्रमाणे आपण ज्याच्या-त्याच्या कलेने, आवडीने आणि हो काही वेळा त्यांच्या बजेटनुसार आपण बनवून देतो. वाङवळी, कुणबी, ब्राम्हण, सोनार, सुतार, कोळी, आगरी आणि अशा विविध लोकांच्या जेवणाच्या पध्दतीचा अंदाज घेवून आपण मसाल्यांची प्रमाणे देतो. काही तयार मसाले नेतात. त्यामधे रोजच्या मसाल्यांसोबत गरम मसाल्याचे प्रमाण महिला नेहमी मागतात.  म्हणून आज एक ढोबळमानाने वापरले जाणारे गरम मसाल्याचे प्रमाण देत आहोत.

हा गरम मसाला बनवताना त्यामधे मिरची पावडर व हळद पावडर घालत नाहीत. कोणतीही शाकाहारी वा मांसाहारी भाजी बनवताना ह्याचा उपयोग होतो. अगदी मसाले भात किंवा बिर्याणी पुलाव, पॅटीस, शाही पंजाबी भाज्यांसाठी देखिल वापरता येतो. नुसत्या या मसाल्यावरही पदार्थ छान लागतात आणि इतर बहुतांशी मसाल्यासोबतही हा पदार्थामधे वापरला जातो. तसेच एकदा मसाला बनवून डब्यात ठेवला कि सहा सात महिने मस्त राहतो.

तर बघुया काय अख्ख्या मसाल्याचे घटक लागतात गरम मसाला बनवण्याकरीता:
धणे: (coriander seeds): 200 Gram ( काही जण धणे घालत नाहीत)
जीरे: (cumin seeds): 160 Gram
काळेमिरे: (black pepper): 120 Gram
लवंग: (cloves): 60 Gram
दालचिनी: (cinnamon): 100 Gram
जायवंत्री: (Mace): 40 Gram
रामपत्री: (Rampatri): 40 Gram
मसाला वेलची: (Black cardamom): 60 Gram
शहाजीरे: (Caraway seeds): 60 Gram
वेलदोडा/ हिरवी वेलची: (Green Cardamom): 60 Gram
हिंग: (Asafoetida): one teaspoon
बादियान/चक्रिफुल: (Star anise): 50 Gram
तमालपत्र: (Bay Leaf): 30 Gram

वरील सर्व मसाल्याचे पदार्थ चांगल्या दर्जाचे, ताजे व कोरडे असावेत. ते नीट स्वच्छ निवडून घ्या. मग एक एक करीत हिंग सोडून सारे जिन्नस गरम तव्यावर एखाद मिनिटासाठी न करपवता व न जाळता हलकेसे शेकून घ्या.
(तुम्ही हाताला कुकिंग तेल लावून हलकेच मसाल्यांवरदेखिल फिरवून मग मसाले तव्यावर टाकू शकता. ह्याने मसाला अजून छान लागतो आणि गडद दिसतो आणि चांगला टिकतो.)

शेकलेले मसाले पुर्ण थंड होऊ द्या. मग मिक्सरमध्ये नीट बारीक पावडर करून घ्या. तुम्हाला जाडसर भरड हवा असल्यास मिक्सरला कमी फिरवा.
झाला तुमचा गरम मसाला तयार! मिक्सरमधून काढल्याबरोबर डब्यात भरू नका. गरम असल्याने बाष्प धरून मसाला खराब होऊ शकतो. थंड झाला की चांगल्या बरणीत भरून वापरा.

वरील कोणत्याही अख्ख्या मसाल्याच्या जिन्नसाचे प्रमाण तुम्ही तुमच्या आवडीनुसार थोडेफार कमी अधिक करू शकता.
● सौम्यपणा अधिक हवा असल्यास धणा व जीरे चे प्रमाण वाढवा व काळेमिरे, लवंगाचे प्रमाण कमी करा.
● तिखट व उग्र गरम मसाला हवा असल्यास धणा, जीरे चे प्रमाण कमी व काळेमिरे व लवंगाचे प्रमाण वाढवा. शक्यतो काळेमिरेचे प्रमाण वाढवावे कारण लवंगाचा जहाल तिखटपणा त्रासदायक वाटू शकतो.
● थोडा जायका वाढवायचा असल्यास मसाला वेलची, हिरवी वेलची, शहाजीरे, जायवंत्री जास्तीची घालावी.
● काहीजण आजकाल, जायक्यासाठी थोडी कसूरी मेथी व all spice ची सुकी पानेदेखिल घालतात. मी कधी तसे वापरून न पाहिल्याने वरती लिहीलेले नाही.
● काहींच्या गरम मसाला प्रमाणांत कबाबचिनी, नाकेशर, खसखस, दगडफुल, एखादे जायफळचादेखिल समावेश असतो.
● ह्याच गरम मसाल्यातला निम्मा मसाला काढून त्यात पाव किलो काश्मिरी मिरची पावडर, पाव किलो बेडगी मिरची पावडर व पाव किलो पटणा मिरची पावडर घातली की मस्त रोजच्या जेवणात वापरायचा मसाला तयार होतो.

तर मग छानपैकी घरी गरम मसाला बनवून चविष्ट जेवण बनवा. आणि नाहीच वेळ मिळाला तर आमचा तयार लक्ष्मी मसालेचा स्पेशल गरम मसाला Online घरपोच मागवा.

#garam_masala #fresh_spice_blends
#laxmi_masale #laxmi_masale_edwan #the_masala_bazaar #masala_bazaar_virar



Thursday, March 28, 2019

Prawns Biryani / कोलंबी_भात

#कोलंबी_भात

लक्ष्मी मसालेचा बिर्याणी पुलाव मसाला वापरून केलेला चमचमीत कोलंबी भात!

कोलंबी भात म्हणजे One_pot_recipe म्हणून आधीपासूनच माझा आवडता पदार्थ... एडवणला मस्त भाकरी आणि कोळंबी ची आमखंडी, तळलेले पापलेट, बोयमासेचे कालवण आणि कोलंबी भात म्हणजे अफलातून भन्नाट Seafood combination असायचे.

भाताचे अनेक-विविध प्रकार असतात. काही गोडसर, तिखट, थर लावून केलेले आणि निरनिराळ्या भाज्या टाकून केलेले आणि अनेक त-हेत-हेच्या पध्दतीने बनवलेले...
शाकाहारी किंवा मांसाहारी अशी कोणतीही बिर्याणी, भाताचा प्रकार अथवा पुलाव बनवण्यासाठी लक्ष्मी मसालेचा बिर्याणी पुलाव मसाला वापरता येतो.

पुर्वी फक्त समारंभात हमखास केला जाणारा बिर्याणी- पुलाव हा भाताचा प्रकार आजकल घरोघरी वरचेवर केला जातो. खाली दिलेल्या साहित्याची यादी जरी मोठी वाटली 20 एकदा पध्द्त समजून बनवली की परत बिर्याणी किंवा कोलंबी भात बनवणे तितकेही अवघड नाही.

साहित्य पाहून घ्या.

साहित्य:
दोन वाट्या बासमती तांदूळ किंवा तुमच्या आवडीचा तांदूळ  (एक तास भिजवलेला)
15-20 मध्यम आकाराच्या कोलंबी
एक लहान गाजराचे सोलुन कापलेले लांब व बारीक तुकडे (आवडत असल्यास)
दही अर्धी वाटी
आले लसूण वाटण
लिंबू रस एक लिंबूचा

हिरवी मिरची 4 मधे उभी चिर पाडून
लसूण पाकळ्या 7-8, बारीक उभ्या चिरून
आले एक इंच- अगदी बारीक तुकडे करून
दोन वाट्या कोथिंबीर बारीक चिरून
एक वाटी पुदिना चिरून
दोन कांदे उभे चिरून
तीन टाॅमेटो चिरून

मसाल्याचे पदार्थ:
दोन मसाला वेलची
सहा हिरवी वेलची
तीन-चार दालचिनी तुकडे
चार तमालपत्र
आठ दहा काळेमिरे
चार लवंगा
थोडेसे शहाजीरे
एक जायवंत्री
थोडी कसूरी मेथी
मीठ
चिमुटभर साखर
तेल व तुप
लक्ष्मी मसालेचा बिर्याणी पुलाव मसाला दोन ते तीन चमचे
थोडेसे काजू
थोडेसे बेदाणे
बिरिस्ता (तळलेला कांदा)

पाच सहा केशरकाड्या घातलेले कोमट दुध
गव्हाचे मळलेले पीठ

चला सुरूवात करूया चविष्ट कोलंबी भाताला! वरील जिन्नसाची  यादी खुप मोठी लांबलचक वाटली तरी पध्दत सोपी व सुटसुटीत आहे.

१. एका भांड्यात मोजके तेल गरम करा. त्यात चिरलेला लसूण- आले, कांदा व टाॅमेटो आणि कोथिंबीर तळा. मग हे थंड झाल्यावर मग मिक्सरमध्ये बारीक प्युरी करा व बाजूला ठेवा.

२. परत त्याच भांड्यात तेल गरम करा. मग सगळे अख्खे खडे मसाले तेलात तडक्याला टाका. नीट परता. मग चिरलेला कांदा टाकून सोनेरी रंगावर तळून घ्या. आलेलसूण पेस्ट टाका. थोडे काजू व बेदाणे पण टाका.

३. आता आधीच बनवलेली कांदा टाॅमेटो प्युरी टाकून ढवळा. मग हिरवी मिरची, आले, लसूण, थोडी कोथिंबीर व थोडा पुदिना, कसूरी मेथी, मीठ, साखर, लक्ष्मी मसालेचा बिर्याणी पुलाव मसाला दोन ते तीन चमचे, दही सारे टाकून व्यवस्थित परता. पाच मिनिटं शिजू द्या. लिंबू रस पिळा.

४. मग सर्व सोललेल्या कोलंबी व एक तास भिजवलेला बासमती तांदूळ टाकून व्यवस्थित परता. आणि थोडेसे तूप घालून नीट ढवळा.

५. एक कप कोमट दुधामध्ये भिजत ठेवलेले केशर शिंपडा व हलकेच ढवळून घ्या. आणि अंदाजे थोडे पाणी ओतून कुकरला तीन शिट्या करून घ्या.

६. वाफ गेली कि झाकण खोलुन, हलकेच भात वरखाली करा. तळलेला कांदा, चिरलेली कोथिंबीर, चिरलेला पुदिना याचा भातावर थर दया, तळलेले काजू वरून टाका.

जर  कोलंबी भाताला दम द्यायचा असेल तर, गव्हाचे पीठ लावून झाकण चिकटवून ठेवून तव्यावर भांडे ठेवावे व तव्याला १० मिनिटे मंद आचेवर ठेवून दम मिळू द्यावा.

झाकण काढले की छान सुगंध येतो. तर मग  तयार गरमागरम कोलंबी भात सफेद कांदा -दह्याच्या रायत्या बरोबर सर्व्ह करा.

हा भात अनेक वेगवेगळ्या भाज्या वापरून करता येते.
नुस्ते मशरुम्स् किंवा भोपळी मिरची-गाजर-मटार-फ्लॉवर combination वापरून देखिल बनवता येते.

लहान-थोर सगळ्यांना नक्की आवडेल.

#कोलंबीभात #prawns_biryani #laxmi_masale_edwan #laxmi_masale #spiceblends_virar #masala_bazaar #biryani_pulav_masala #biryani_masala #pulav_masala #spice_blends_edwan













Friday, March 22, 2019

Bombil Thecha/ सुक्या_बोंबलाचा_ठेचा

#सुक्या_बोंबलाचा_ठेचा

समुद्र किनारी वसलेल्या एडवण गावी ताज्या मासोळ्यांबरोबरच उत्कृष्ट दर्जाची सुकी मच्छी मावरे मिळते. समुद्रकिनारी मस्त बोंबिल आणि अन्य मासे खाऱ्या वाऱ्यावर उन्हात सुकण्यासाठी ओलाणीवर रांगेत टांगलेले दिसतात. सोडे बनवण्यासाठी कोलंबी आणि करंदी, जवळा ठिकठिकाणी जमिनीवर पसरतात. सुकी मच्छी अडिअडचणीत किंवा  घाईघाईने ताजे मासे आणता नाही आले तर वापरता येते. सुक्या मच्छीचे पदार्थ छानच लागतात पण अर्थात सर्वांनाच सुकी मच्छी आवडतेच असे नाही.
आज आपण पाहणार आहोत हा साधासोपा सुक्या बोंबलाचा ठेचा बनवतात कसा...
आपल्याला लागणार आहेत दहा सुके बोंबिल, पाच तिखट हिरव्या मिरच्या, दहा बारा लसूण पाकळ्या, मीठ, आवडत असल्यास लिंबाचा रस.

बोंबील गॅसवर किंवा चुलीमधे अगदी खरपुस आणि सर्व बाजूंनी व्यवस्थित भाजून घ्या. थंड झाल्यावर मधोमध चिरुन काटा काढून टाका. हातानेच तोडत बोंबलाचे लहान लहान तुकडे करा. आता मोठ्या खलबत्त्यात किंवा पाटा वरवंटयामधे बोंबलाचे तुकडे, मिरच्यांचे तुकडे, लसुण पाकळ्या, लिंबू रस, मीठ सारे टाकून बारीक सर ठेचून घ्या. वरवंटा वैगरे नसल्यास हलकेच मिक्सरमध्ये फिरवा.
अफलातून चवीचा हा सुक्या बोंबलाचा ठेचा तांदळाची भाकरी, वाफाळता भात आणि शेंग कोलंबी कैरी भाजी बरोबर अप्रतिम लागते.
नक्की हा ठेचा बनवून पहा.

#बोंबलाचा_ठेचा #bombay_duck_chuteney
#bombil_thecha #dry_fish_recipes #edwan #laxmi_masale_edwan #the_masala_bazaar








Tuesday, September 25, 2018

Masala Dabba/ मसाल्याचा डब्बा

तुमच्या आमच्या स्वयंपाकघरातील मसाल्याचा डब्बा! 🍽❤

ही पोस्ट वाचून, तुम्हीसुध्दा तुमच्या स्वयंपाकघरातील मसाला डब्ब्याचा फोटो नक्की "मुख्य पोस्ट" च्या Comment मधे पोस्ट करा ही विनंती! :) आम्हाला निश्चितच आनंद होईल.

तर आपल्या स्वयंपाकघरातील मसाल्याचा डब्बा, म्हणजे एक असा पिटारा ज्यामधे राखलेले ठराविक अखंड मसाले आणि मसाला पावडरी वापरून घरोघरच्या अन्नपुर्णा रोजच्या जेवणाला खमंग, चविष्ट आणि घरगुती चव प्राप्त करून देत असतात. भारतात बहुतांश स्वयंपाकघरात हमखास आढळून येणारा हा मसाल्याचा डब्बा प्रत्येक घरच्या खाद्यपरंपरेनुसार आपापला वेगळेपणा जपून असतो.
आकर्षक आकाराचे हलकेसे नाजूक कोरीव काम केलेले सागवानी वा लाकडी, सुबक असे एकसंध मसाला डबे पुर्वीच्या काळी स्वयंपाकघराची शोभा वाढवायचे. त्यात आतल्या जागी गोलाकार अथवा चौकोनी खळगी कोरलेल्या असत ज्यामधे अखंड व तयार  रोजच्या वापराचे मसाल्याचे वा मुख्यत्वे तडक्याचे मसाले असत. राई, जिरा, हिंग पावडर (अख्खी डबीच, कारण उघड्या हिंगाचा वास उडतो), जीरा पावडर, धणा पावडर, मिरची पावडर, हळद पावडर हे तडक्यावर वापरायला आणि जेवणामधे लागणारे आवश्यक जिन्नस ह्या मसाल्याच्या डब्यात काढलेले असत. रूखवतात देखिल आकर्षक उच्च दर्जाचे अख्खे मसाले भरलेला मसाला डब्बा भाव खाऊन जातो.

कालपरत्वे, मसाल्याच्या डब्यामधे बदल होत गेले. साधारणपणे सात गोल वाट्यांचा असलेला गोलाकार मसाला डब्बा हा पितळ, स्टील, प्लास्टिक, फायबर तसेच क्वचितच अॅल्युमिनीयम अशा धातूंनी किंवा मटेरिअलने बनवलेला  असे. टप्परवेअरचादेखिल सुंदर लालचूटूक मसाला डब्बा आहेच. सात खण वा वाट्यांच्या जागी नऊ, बारा, सोळा खण/ वाट्यादेखिल आल्या.

मोठ्या प्रमाणात बनवलेले वर्षभराचे मसाले व हळद हे एका मोठ्या डब्यात जपून ठेवलेले असते. त्यातून खुप जपून आठवडाभर पुरतील इतपत मसाले ह्या मसाल्याच्या लहान डब्यात काढले जातात. ह्यामुळे मसालादेखिल वारंवार खोलल्याने खराब होण्याचा धोका टळतो व आवश्यक जिन्नस एकाच डब्यात ठेवल्याने वेळ सुद्धा वाचतो.

नाही म्हटले तरी, मसाल्याच्या डब्यांच्या ठेवणीवरून आणि मधे भरलेल्या पदार्थांवरून गृहिणींच्या स्वभावाचा थोडाफार आढावा येतोच की... काही डब्बे अगदी चांगल्या जाड स्टीलचे टिकावू अन् त्यामुळे वर्षानुवषे टिकणारे... मधे भरलेले मसाले जिन्नस देखिल स्वच्छ निवडलेले, व्यवस्थित न सांडता भरलेले, छोटासा बेताचा चमचा ठेऊन झाकण नीट लावलेला असा हा मसाले डब्बा नेटक्या गृहिणीचे प्रतिबिंब वाटतो.
तर काहींचे मसाला डब्बे अगदीच तकलादू आणि कामचलाऊ, चीर गेलेले... कसेबसे बंद होणारे झाकण, त्यामुळे ओलसर- मऊ पडलेले आतील मसाले, डब्याच्या मापाचा नसलेला चमचा... तोही हळद, मिरची पावडरचा रंग मिरवणारा. मधल्या वाट्यामधेदेखिल धांदरटपणामुळे एकमेकांमधे मिक्स झालेले अस्ताव्यस्त मसाले... राईमधे जीरे, हळदीत हिंग असा अवतार, ओलाव्यामुळे जन्मलेला फिरणारा टोका किटक... एकुणच जपलेला व जाणवणारा अव्यवस्थितपणा...

महाराष्ट्रीयन गृहिणी असल्यास डब्यात राई, जीरा, हिंगासोबतच तीळ, मेथी, उडिदडाळ देखिल असू शकते... कोकणाकडचे असल्यास मच्छीसाठी लागणारे अख्खे धणे आणि त्रिफळादेखिल डब्ब्यात जागा पटकवतात. बिहार बंगाल बाजूकडे पाचफोरन प्रकार तडक्याला वापरत असल्याने कलौंजी म्हणजेच कांदाबी, बडिशेप देखिल ठेवतात. पंजाबी असलेले काळीमिरे, तमालपत्र, मसाला वेलची, हिरवी वेलची, बादियान, जायवंत्री चा वापर जास्त असतो. खमंग तडक्यासाठी अख्खी बेडगी, काश्मिरी किंवा गोल बोर मिरचीदेखिल ठेवली जाते. कसूरी मेथी आणि सुकलेली कढीपत्त्याची पाने क्वचित दिसतात.

आमच्या मित्रपरिवारातील एक उत्कृष्ट लाकडी वस्तू बनवणारे संजय पाटील Sanjay Patil आर्टिस्ट यांच्याकडून नुकताच मी एक सागवानी, झायकेदार मसाला डब्बा घेतला. सहज निघणा-या आतील बारा चौकोनी डब्या, मापाचा लाकडी चमचा आणि पारदर्शक जाड काचेचे झाकण ह्यामुळे मस्तच दिसतो हा मसाल्याचा जुन्या स्टाईलचा वाटणारा Antique डब्बा! Instagram वर दि मसाला बझार चे मसाल्याचे Promotional photoshoot साठी आम्ही ह्याचा वापर करतो. तसेच आमच्या प्रिया Priyanka Chavan Gharat म्हणून खास मैत्रिणीनेदेखिल मस्त trendy and cool असा fibre चा आकर्षक मसाला बाॅक्स भेट म्हणून दिला. आता मस्त हे दोन्ही मसाल्याचे डब्बे स्वयंपाकघरात बाजूबाजूला नांदत आहेत.
आजकल डिझायनर किचन ट्राॅलीमधेच मस्तपैकी वरून  पारदर्शक काचेच्या सुरेख बाटल्यांचा संच बसवून देतात.

म्हणतात ना, "A Woman never throw a spice!" :)
ह्याला अनुसरून अन्नपुर्णा गृहिणी वागतात, खरेच एकही मसाला जिन्नस सहजासहजी फेकत नाहीत अन् विविध मसाला डब्ब्यात भरून काटकसरीने वापरतात.
राई, धणा, जीरा, दालचिनी सारखे रोजच्या वापराचे अख्खे मसाले साठी एक मसाला डब्बा, दुसरा खास शाही अख्खे मसाले जसे हिरवा वेलदोडा, मसाला वेलची, बादियान, लवंगा, दगडफुल, तमालपत्र, जायवंत्री, शहाजीरे ह्यासाठी. हा मसाला डब्बा आठवड्यातून एखाद दोनदाच लागतो... कधी पुलाव, मसाला भात, चिकन किंवा पंजाबी पदार्थ बनवतेवेळी...
तिसरा मसाला डब्बा, पावडर व तयार मसाले ठेवण्यासाठी. ह्यामधे मिरची पावडर, हळद पावडर, धणा पावडर, जीरा पावडर, गरम मसाला, गोडा मसाला, किचनकिंग मसाला किंवा रोजच्या वापराचा All in one भाजी मसाला ठेवतात.

माझाही जीव जडलाय एका अतिशय घडीव व रेखीव अशा पितळी मसाल्याच्या डब्ब्यावर... लवकरच चांगल्या दिवशी घेऊन येते त्याला घरी वर्षानुवर्षे वापरायला....

तर असे हे आमचे भारतीय मसाला डब्ब्याचे पुराण! :)
तुम्हीसुध्दा तुमच्या स्वयंपाकघरातील मसाला डब्ब्याचा फोटो नक्की Comment मधे पोस्ट करा ही विनंती!

Indian Spice-box:
A box containing handful of essential spices which adds flavours and taste in food we eat! We call it Masala dabba! :)

Indian spice box or phodanicha masala dabba – It is essential, very functional in almost every Indian household’s kitchen. You should have it, if you are cooking Indian food more frequently.
It must contain:
1. Mustard seeds (Rai/Mohari)
2. Coriander seeds (Dhane)
3. Cumin seeds (Jeera)
4. Big cardamom (Mothi velachi/ Masala Velachi)
5. Small cardamom (Hiravi Velachi/ Veldoda)
6. Fenugreek Seeds ( Methi Dane)

If possible keep Asafoetida  (Hing powder) and Sauf (Badishop), Black Pepper (Kalemiri) and Bay leaf (Tamalpatra/  Tejpatta) also in it.
You can use these ingredients while tempering any food. It has medicinal and aromatic values to it.

In Gifting section, The Masala Bazaar has ethnic and pretty 'Indian Phodanicha Masala Dabba' options for presenting it on Rukhavat or House warming celebrations! :)
Variety of masala box with customised spices are made as per order and budget!
Contact/ Whatsup 9890043675 for more details.

Please note: Image used can be copyrighted. Taken from internet and for information/representation purpose only.
.
.
.
.
.
.
#मसाला_डब्बा #masalabox #themasalabazaar #laxmimasale #laxmi_masala_edwan #spiceblends #wholespices #spicesfortadaka #everydayessentials
#spice_dabba #maharashtrian_cooking
#cooking_essentials #laxmi_masale_edwan
#masala_bazaar_virar #laxmi_masale #masala_box #fresh_spices #spices_virar #spices_edwan




Tuesday, July 3, 2018

Brinjal Or Ivi-Gourd Rice / वांगेभात किंवा तोंडलीभात

एडवण पालघरच्या लक्ष्मी मसालेचा महाराष्ट्रीय गोडा/ काळा/ ब्राह्मणी मसाला
आज बघुया हा मसाला वापरून वांगेभात किंवा तोंडलीभात कसा बनवता येतो.

Laxmi Masale’s Goda Masala is famous authentic Maharashtrian style spice blend. This spice blend is sweet in taste.

In Goda masala seasame seeds and dry coconut flex are used, which gives it delightful flavor. Recipes like Brinjals-potato, traditional Brinjal rice, ladies fingers, Aaamati taste well when Goda Masala is used.

For making traditional Brinjal Rice:

Ingredients:
1. Good fresh small Brinjal- 5 numbers
(Slice each Brinjal in four long pieces)
2. Potato small size (slice each potato in four pieces)
3. Cashew nuts 9-10
4. Raisins 10-12
5. Diced onions
6. Curry leaves 10-12
7. Ginger garlic paste 2 teaspoons
8. Garlic cloves 4-5
9. Rice (Aambamohar or Basmati Tukada) one and half bowl
10. Lemon juice

Spices:
1. 3-4 green cardamom
2. 2-3 black cardamom
3. 2 Bay leaf
4. 6-7 peppercorn
5. 2-3 cloves
6. 1 mace
7. 2 small sticks of cinnamon
8. One small teaspoon cumin seeds
9. Half small teaspoon mustard seeds
10. Half small teaspoon asafoetida
11. 2 star anise
12. Small teaspoon Laxmi Masale's Selam Turmeric Powder
13. Small teaspoon Laxmi Masale's Bedagi Chili powder
14. Small tablespoon Laxmi Masale's Cumin-coriander powder
15. Two spoons of Laxmi Masale's Goda/ Brahmani Masala
16. Salt as required
17. Kasuri methi
18. Small piece of Jaggery

For Garnish:
1. One small bowl Desiccated fresh coconut
2.  Chopped coriander
3. Barista (Fried Golden onion)
4. One tablespoon ghee

Making of authentic Brinjal rice:
1. Wash rice and soak for half an hour.
2. Take Kadhai or Cooker and heat oil.
3. Fry cashew nuts, remove and keep aside.
4. In same hot oil temper all whole spices. Make sure that you keep stirring it well that it does not burn.
5. Then add chopped curry leaves, garlic cloves, onions and fry it till onion turns golden.
6. Add Brinjal and potato, raisins and fry for some time.
7. Then add salt, small piece of jaggery, Laxmi Masale's Goda Masala, Bedagi Mirch powder and cumin-coriander powder and turmeric powder. Mix it well and add lemon juice and ginger garlic paste and chopped coriander. Mix well.
8. Add soaked rice and fry along with all ingredients.
9. Add hot water to this and take two to three whistles if pressure cooker and if cooking in kadhai, then put cover on it with little water it. Keep checking inbetween if rice is done.
10. Remove cooked rice and place in serving vessel. Heat pan with little ghee in it. Put birista in it and cashews. Pour this on Brinjal rice. Garnish with little desiccated fresh coconut and chopped coriander leaves.

Authentic Maharashtrian Vaangebhaat is ready. You can use "Tondli" to make tondlibhaat in similar in the style.

#vaangebhaat #themasalabazaar #laxmimasale #goda_masala #kala_masala #brahmani_masala

To know more details on how to make various delicious recipes using Laxmi Masale’s variety of spice blends, kindly visit our blogspot and website:
www.themasalabazaar.com




tish in taste and black-dark brown in colour. It is generally used in Brahmin community.